Mendiko osterak: Lakuntza

2025(e)ko maiatzaren 5(a), astelehena

Lakuntza

Lakuntza herritik ibilbide zirkularra Serlo Gaina eta Algorri mendiak ezagutzeko eta Aralarreko hegoaldeko magaletik barneratzeko aukera eskaintzen diguna. Basotik barna burutuko dugu ibilbide gehiena beraz gomendagarria beroa egiten duen egun horietariko batetarako.

Ibilbidearen xehetasunak Wikilocen:

Ibilbideko bideoa:

Ibilbidea eta altimetria

Ibilbidea

Altimetria

Lakuntza herrira gerturatu eta herritik tren geltoki aldera jaitsi, eta eremu industrialean kotxea utziko dut, trenbidearen sarea igaro aurretik.

Aparkalekua

Ibilbidea hasteko trenbidearn azpiko tunelera bideratuko naiz eta bideguruzean metro batzuk zuzen, segituan eraikinetara iritsi aurretik ezkerreko pistatik jarraitzeko. Itzulera zuzeneko bidetik egingo da.

Eraikinaren azpitik ezkerreko pistatik

Pista horretatik Lakuntzako apeaderora iritsiko naiz. Egun nahiko utzita dago.

Lakuntzako apeaderoa

Apeaderoa

Trenbidea gurutzatu gabe, bere parean zuzen doan pistatik jarraitu beharko da. Aurrerago bidegurutze batetara iritsi eta eskuinetik segi.

Eskuineko pistatik

Segituan zurezko ate bat topatuko dugu, hau gainditu eta pistatik jarraitu.

Zurezko atea

Pistatik jarraitu eta momentu batean eskuin aldean aldaretxo bat aurkituko dugu.

Altaretxoa

Harrobi errekatxoaren bertze aldera igaroko gara eta bere paretik igotzen jarraituko dugu.

Harrobi

Metro gutxi aurrerago aterpetxo bat dago eta bidegurutze bat ere. Oraingoan ezkerreko pistatik jarraitu beharko delarik.

Aterpea

Ezkerreko pistatik segi

Pistatik basotik altuera irabazten hasiko gara. Hiru bidegurutze topatuko ditugu eta hiruretan eskuineko pistatik edo pista nagusitik jarraitu beharko da.

Eskuinetik

Gorago Herriaren bordara iritsiko gara.

Herriaren borda

Pista nagusitik igotzen jarraitu beharko da. Basoan gabiltzanez animali ezberdinak ikusteko aukera izan daiteke.
Mendilepotxo baten antzera iritsi eta zuzen pista nagusitik jarraitu.

Zuzen

Aurrerago oroigarri batetara iritsiko gara. Bertan gurutze bat dago, Zutabeko gurutzea Arbizuko herriak 1967. urtean paratua euren fedea zaindu dezan.

Oroigarria

Bidean loreak eta landare ezberdinak ere ikusgai izango ditugu.

Loreak

Apurtxo bat aurrerago bidegurutze bat dugu. Bidea laburtzeko aukera eskaintzen du. Gaurkoan ezkerretik gora jarraituko dut, baina zuzen jarraitzekotan Artabakar bordara iristerik dago eta zuzen jarraituz Algorri mendirantz joko dugu.

Ezkerretik gora

Inguru honetan trikuharriren bat ikusteko aukera izango da.

Trikuharria

Aurreko trikuharria litekenaren goiko partean Atabakar trikuharria dago. Ez da oso ikusgarria, belarrez beterik dagoelako eta tumulua antzeman daitekelako soilik.

Atabakar trikuharria

Gorago aska bat topatuko dugu. Ura hartzeko modukoa ere.

Aska

Metro batzuk aurrerago pista nagusia utzi eta eskuinetik bidetxo batetik gorantz jo beharko da.

Eskuinera gora

Eta segituan bigarren iturri eta aska bat topatuko dugu.

Aska

Iturburua

Metro batzuk aurrerago eskuin aldera bideratu beharko gara.

Eskuinerantz

Eta segituan ezker aldetik magaletik gora jo beharko da, ia zuzenean Serlo gainarantz, pista utziz.

Ezkerretik bidexkatik Serlo Gainarantz

Magaletik igotzen segi eta momentu batean basotik irtengo gara ikuspegi zabalak eskuratuz.

Ikuspegi zabalak

Mendi erpinera gerturatu eta handik tontorrera zuzen jo.

Behatokitik

Maldan gora jarraitu, ez dago bide argirik eta belar nahikoa dagoen arren, segituan Serlo Gaina mendiko tontorrera iritsiko gara.

Serlo Gainarako azken aldapa

Serlo Gaina

Tontorra zuhaitzen artean dago eta harri multxo batek adieraten du. Aurrera jarraitzeko mendi erpinetik, eskuinetik jaisten hasi beharko dugu.

Mendi erpinean harri lehorrez osaturiko horma baten aurriak izango dira.

Bidean topaturiko tximeleta

Tximeleta

Abrein trokatxoaren abiapunturantz joko dugu.

Eta apurtxo bat aurrerago bidegurutze batetara iristean eskuin aldeko norantza jarraitu beharko da.

Eskuinetik

Panoramika Eltxorroxgo Bargan

Igoera txikitxoaren ostean apurtxo bat jaisten hasiko gara eta segituan aurreko bide zabalera iritsiko gara, hots, labur bidea bezala aurkeztu dudanera.

Ezkerretara

Hiru bidegurutze izango ditugu ondoren, hiruak zuzeneko bidetik edo bide nagusitik segi.

Zuzen

Azkenik hesi batetara iritsiko gara. Bertan ataka bat dago bertze aldera igarotzeko.

Ataka

Segituan pista zabalago batetara ateraz. Bertan ezkerretik joko dugu iturrira iristeko eta bertan atsedenalditxo bat hartzeko. Iturriaren izena Etxatxettatu da.

Bidegurutzea

Zutoina

Etxatxettatu iturria harantxo batean dago eta basotik kanpo.

Etxatxettatu iturria

Berriz bidegurutzera itzuli eta metro gutxi aurrerago ezkerretik pista utziko dugu Algorri mendira hego magaletik igotzeko eta Mendebaldekotik jaisteko. Tontorra harriz osaturik dagoenez goiko partean zuhaitz gutxiago topatuko dira eta hortaz ikuspegi ederrak izango ditugu.